میں!

خود کبھی گرفتار نہ ہوسکا جو اپنے اندازِ گفتار میں

میں اُسی ادھوری داستان کی ایک مکمل کتاب ہوں۔

تنہائیوں کے ہجوم میں

میں آج  خود سے دور اس حجوم میں بیٹھا ہوں

وقت کا ہر لمہہ میرے تعاقب میں مجھے ڈھونڈتا ہے

ہمذات مجھ سے مخاطب ہے سرِ محفل  تنہائی میں

ذکر رہا ہےکچھ ذہن کےفتور کچھ اپنے بےجاغرور کا

یاد کر رہا ہوں خوشی کےوہ لمہے شبِ تنہا ئی میں

لُٹا چکاہوں جو پل تلاشِ منزل کی جستجو میں اک صبح میں

تجھ سے بات کرنے کو در و دیوار ہی تو تھے ضرف میرے پاس

اب کامرانیاں مجھے ہجھوم میں اکیلا کیئےجاتی ہیں بار بار

میں اکیلا ہی رواں ہوں اپنے خدا کی تلاش میں اب

اک حقیقت سے بھاگ کر اک حقیقت کی تلاش میں

میرے سجدوں کو بخش دو اک گناہ کی تعبیرتم بھی

میں مسجودِ تکبر ہوں کوئی رعیا کار نہیں ہوں میں

کسک

دل کے مسافات میں کہیں آج

پھر امید لاپتہ بھٹکتی ہے

پھر اک ہنگامہ ہے

سکوں کی تلاش میں گمسم سا میں

یادوں کے درمیاں 

اک خاموش تماشہ بنے بیٹھا ہوں

مجھ سے الجھتی 

خود سے لڑ تی اک سوچ

وقت سے کنارہ کش ہوکر

پھر بھٹکنے کا ارادہ رکھے ہے

جانے انجانے میں پھر میں

اُن منزلوں کی جانب رواں ہوں

جن خرابوں سے وابستہ

وہ اک شام 

بار بار اپنا روپ بدل بدل کر

مجھ سے ملتی ہے

میرے کہنے سے جو وقت

رک جاتا کبھی

آج اِس قدر خود سے دور اک ویرانہ نہ ہوتا

اک بیانباں کا ذکر کرتی ہے اب دنیا

اک میرا اور ایک تمھارا نام 

بدل بدل کر لوگ  سکوں و انتشار کا

ذکر کرتے ہیں

کبھی مجھ سے پوچھ کر 

کبھی مجھ سے روٹھ کر

چلے جانے والوں کا پتہ

پوچھتا ہے وقت

کہیں اندھیرے کونے میں چھپی

وہ کسک آج بھی بھٹک کر

میرے پاس آجاتی ہے

ذکر

آؤ بیٹھو کچھ خرابوں کا ذکر کرتے ہیں

کچھ اپنےکچھ زمانےکےستم کا ذکر کرتےہیں

جس سے مانگیں تھیں انگنت دعائیں میں نے

کچھ اپنے خدا سے شکایت کا ذکر کرتے ہیں

ایک ایک لمہہ جو گزارہ ہے تمھارے بغیر اے ہمدم

چلوکچھ اپنی کچھ تمھاری جفاؤں کا ذکر کرتے ہیں

اپنی خودی سے لڑ کر جو بیٹھا ہوں میں آج

تمھارے سچ کےانگنت  رنگوں کا ذکر کرتے ہیں

تم یہاں سےجانےکی بات اب ہرگز نہ کرو مجھ سے

اب اہلِ حرم تمھاری وفاؤں کا دن رات ذکر کرتے ہیں

میں خود سے ہار کر پھر اک بار جا رہا ہوں تجھ سے دور

خاموش ہیں شہر والے پھر بھی اک شخص کا ذکر کرتے ہیں

اب میں بھی خود سے کہتے کہتے تھک گیا ہوں گویا

آداب مہبت یہی ہےاب کہ تنہائی میں تیرا ذکر کرتے ہیں

اک خاموش سا رشتہ

کہہ دو نہ! کہ ایسا نہیں ہے 

ہاں میں تمھیں

تم مجھے

شدد سے یاد کرتے ہیں

اکثر میں

اپنی تنہائیوں میں

تم سے کہہ دیتا ہوں

وہ سب کچھ جو

میری سوچ میں مدفون ہے کب سے

زندگی کی رونکیں

روز کی الجھنیں

مجھے پھر تم سے چھین لیتی ہیں

پھر اس خودی کی تلاش میں

خود سے الجھ کر

تمھیں بھول گر

میں خود کو کہتے سنتا ہوں

شاید اب یہی مناسب ہے

کہ کہہ دو اپنے سے

کہ اب کہنے کو

شکؤں کے سوا

نہ میرے پاس

نہ تیرے پاس

کچھ بھی نہیں

اک خاموش سا رشتہ ہے

جسے میں اور تم 

کتنی مہبت سے نبھا رہے ہیں

اکیلے، اکیلے

تنہا تنہا

خود کلامی ۲

ایک دردِ مسلسل ہے ایک امیدِ جاں ہے ایک منتظرِ نظر ہے

میں زماں و مکاں کی قید سے آزاد چلا جا رہا ہوں مستقل

مجھ سے کہنے کو اس کے پاس اک داستان تھی

کچھ میرادیوانہ پن رہاکچھ اُسے بھی ہچکچاہٹ رہی

سجدوں میں کھو کر جسے دل سے بھلا رہا ہوں میں

اپنےہاتھوں کی لکیروں میں ڈھونڈتا ہوں میں اُسے 

اکثر

جن اشاروں پہ جو یہ دل بہک جایا کرتا تھا میرا اکثر

اب وہی مچلنےکےبہانے ڈھونڈتا ہوں اپنی تنہائ میں

جس کے وجود کو سوچ کے سانچوں میں ڈھال رکھا ہے میں نے

وہ میری ذات کے کردار و گفتار کو تراش رہا ہے آج بھی ذرا ذرا

مجھ سے میری جفاؤں  کا حساب مانگ لو آج تم بھی اک بار

حجر کی راتوں، دعاؤں کے سلسلوں، امیدوں کے 

قافلوں کے لٹنے کے بعد

ذکررہا ہےتیرااپنےآپ سے کبھی کبھی تنہائ میں

میں منتظر ہوں ابتک اپنی خاموشی کے ٹوٹنے کا

مجھے چھین لو میری سوچ سے اک بار پھر تم

مجھےآج بھی تنہائ اچھی لگتی ہے کبھی کبھی

اگست ۲۹ کی سرگوشی

اُس رات کی صبح نہ ہو سکی آج تک

وہ تمام شب اُس زماں میں روک رکھی ہے

جہاں اب سوچ کا گزر ممکن نہیں

جس کے گرد وقت پہرہ لگاۓ بیٹھا ہے

جس کی کھڑکی پہ کھڑے وہ لمہے آج بھی

مجھے الوداع کہنے کو تیار نہیں

بس یوں ہی مؤں موڑ کر

دامن کو چھڑا لینے سے پہلے

وقت اپنے قدموں کے نشاں

نقش کر گیا ہے

دلِ نامراد کی پاسبانی کیلۓ

نا معلوم سا ایک دلاسہ

اک ادھوری سی کسک 

وہ امید کا خاموشی سے کہنا روٹھ کر

کہاں تھے اب تک؟

کس کے ساتھ تھے؟

کس کے پاس تھے؟

وہ بے جا کی شکایتیں

وہ خوامخواہ

بات بے بات اداس رہنا

وہ منانے کے دس بہانے 

ناراض رہنے کی وہی دو باتیں 

تمھے یاد ہو کہ نہ یاد ہو

مجھے یاد ہے 

ذرا ذرا

مکیں

تم نہ سمجھوگےاس دل کا ویرانہ

اس بستی کےمکیں بس تم ہی تو ہو

تم سے

تم سے کہنے کو تو ناراض ہوں میں

پر تمھارا ذکر اکثرخود سے رہتا ہے 

آوارگی

تجھ سے بھاگ کر میں جاتا بھی تو کہاں؟

میرےآوارگی کے سب ٹھکانوں سے واقف ہےتو