اگست ۲۹ کی سرگوشی

اُس رات کی صبح نہ ہو سکی آج تک

وہ تمام شب اُس زماں میں روک رکھی ہے

جہاں اب سوچ کا گزر ممکن نہیں

جس کے گرد وقت پہرہ لگاۓ بیٹھا ہے

جس کی کھڑکی پہ کھڑے وہ لمہے آج بھی

مجھے الوداع کہنے کو تیار نہیں

بس یوں ہی مؤں موڑ کر

دامن کو چھڑا لینے سے پہلے

وقت اپنے قدموں کے نشاں

نقش کر گیا ہے

دلِ نامراد کی پاسبانی کیلۓ

نا معلوم سا ایک دلاسہ

اک ادھوری سی کسک 

وہ امید کا خاموشی سے کہنا روٹھ کر

کہاں تھے اب تک؟

کس کے ساتھ تھے؟

کس کے پاس تھے؟

وہ بے جا کی شکایتیں

وہ خوامخواہ

بات بے بات اداس رہنا

وہ منانے کے دس بہانے 

ناراض رہنے کی وہی دو باتیں 

تمھے یاد ہو کہ نہ یاد ہو

مجھے یاد ہے 

ذرا ذرا

مکیں

تم نہ سمجھوگےاس دل کا ویرانہ

اس بستی کےمکیں بس تم ہی تو ہو

تم سے

تم سے کہنے کو تو ناراض ہوں میں

پر تمھارا ذکر اکثرخود سے رہتا ہے 

آوارگی

تجھ سے بھاگ کر میں جاتا بھی تو کہاں؟

میرےآوارگی کے سب ٹھکانوں سے واقف ہےتو

ستم گر سے آج کہہ دو

ستمگر سے آج کہہ دو

وفاؤں کا ذکر چل نکلا ہے

اس معصوم سے کہہ دینا

جس پہ ظلم کا حساب اب بھی باقی ہے

اِن وادیوں میں پھیلا دو یہ پیغام

ظالم کے دن گنے جا چکے ہیں

اب تو صرف حدِنظر تک

مظلوموں کے ہاتھ نظر آتے ہیں

گریبان تیار رکھو
گریبان تیار رکھو

آج ہم ظلم کو مٹانے نکلے ہیں

سر پہ کفن باندھے

ہم کفن نکلے ہیں

قلم ہمارا ہتھیار ہے

سچ ہماری ڈھال 

کہو کہ ظالم کو آج شکست ہوگی

کہو کہ آج پھر حق ہی کی فتح ہوگی

کل صبح کا سورج جب نکلے گا

ایک ہمارا لشکر ہوگا

حدِنظر تک بس خلقِ خدا ہوگی

اب راج کریں گے سب ظلم سہنے والے

اب بولے گا سننے والا

اب راج ہمارا ہوگا

اس ستمگر سے کہہ دو

کل کا سورج نکلے گا

کل سے راج ہمارا ہوگا

ہرجائی

تم سے بیوفائ کا میں سوچ لوں یہ ممکن نہیں

ہر حسن میں فقط تم ہی تم نظر آتے ہو مجھے 

برسوں کے بعد

وہ شخص ملا کچھ اس طرح برسوں کے بعد 

جیسےبچھڑنا اس کی ادا کبھی رہی ہی نہ ہو

***

اس کی باتیں آج بھی کمال ہیں 

پیار بھی ہےاک سرگوشی کی طرح 

***

بیٹھے بیٹھے جو میں مسکراتا ہوں 

اس کی وجہ بھی  شاید تم ہی ہو

***

میں خود سے ہمکلام رہتا ہوں اکثر

تم سے گفتگو کا یہ سلسلہ جاری ہے

***

تمھارے میرے درمیان کیا پردہ داری

تمھارا راز میں ہوں میرا خواب تم ہو

***

تم سے کہنے کو تو بہت سی باتیں ہیں مگر

نہ حوصلہ میرے پاس نہ برداشت تیرے پاس

***

سچ بات تو یہی ہے کہ تم یاد آتے ہو اکثر

اب میں جھٹلاؤں اسے یہ بھی ضروری ہے

***

مجھے کیسے نہ یاد آؤ گے تم

کیسے مجھے تم بھول پاؤ گے

ایک سوچ ہے مسلسل سی بس

جس میں جیۓ جا رہے ہیں ہم

***

نہ مجھےتم سے مہبت ہے نہ تمھیں مجھ سے

کتنا ایک سا سچ اور جھوٹ ہے میرا تمھارا