میں آج بہت رویا

11 June, 2016 - Santa Ana, California, USA

آج میں اپنی اُس ماں سے مل کر بہت رویا

جس کے سائے نے مجھے دھوپ میں چلنا سکھایا 

جس نے ہر اداس موڑ پہ ہنسنا سکھایا

جس نے ہر ظلم سے لڑنا سکھایا

جس نے ہر ہر غم کو مسکراتے ہوئے سہنا سکھایا

کل تک جو مجھے بولنا سکھاتی تھی

آج مجھے پہچاننے کی مسلسل کوشش میں

اپنے کل اور آج کی دھوپ چھاؤں میں

کھئیں سہمی سہمی

تو کھیں کھوئی کھوئی سی نظر آتی ہے

اس کی ڈری سہمی سی آنکھیں

میرے وجود سے کہتی ہیں

مجھے کھینچ لو میرے ماضی سے

جہاں میں قید ہوں، اس تنہائی میں

سب سے الگ

سب سے جدا

اپنوں کے پاس

جو آج نا مجھ سے ملنے آتے ہیں

نہ مجھ سے بات کر پاتے ہیں

اک حصار ہے یادوں کا

اک سراب ہے اجالوں کا

میں اپنی اُس ماں سے مل کر بہت رویا

آج اِس کے دکھوں کو کیسے بانٹوں میں

جس کے دامن سے مجھے صرف مہبت ہی ملی ہے

میں تو جانتا بھی نہیں، کہ کیسے پکاروں گااُسے 

جو ماضی کے گرداب میں اپنی ہی تلاش میں گم ہے

اس کے غموں کا حساب کس نے رکھا ہے؟

جس کےہاتھوں نے صرف ماں کی ممتا ہی بانٹی ہے

ہرلمہہ مجھ سے وہ دور ہوۓ جارہی ہے

اس کی ہر سانس جدائ کی صدا سناتی ہے

اک اک پل

اک اک بوند میری آنکھوں میں

ابھرتی، سِمٹتی، سسکتی

خاموش بے بسی کا مذاق اڑاتی ہے

میں کیسے اسے کہوں

ماں، مجھے آج بھی تیری ضرورت ہے

اپنی آخوش میں چھُپالے مجھ کو، کہ

میں آج بھی خوابوں کے ٹوٹنے سے ڈرتا ہوں

میں آج بھی اکیلے پن سے ڈرتا ہوں

آج بھی لوگ مرا مذاق اڑاتے ہیں

آج بھی لوگ مجھے ستاتے ہیں

مجھے آج بھی تیرے دوپٹّے میں چھُپنا ہے

مجھے آج بھی تیری لوری سننی ہے

مجھےکل بھی تیری دعا کی ضرورت تھی

مجھے آج بھی تیرے سائے کی ضرورت ہے

تو آج بھی خاموش آنکھوں سے دعا دیتی ہے

تو آج بھی مسکرا کر اپنے غم چھُپا لیتی ہے

اس کے دامن پہ سر رکھ کر

آج میں اپنی اُس ماں سے مل کر بہت رویا