کہنے کو تو ہےا

ایک رکا ہوا لمحہ 

میری سوچ میں تیرے نام کیساتھ 

اک شام کی طرح 

کہیں نقش تو کہیں مِٹا مِٹا سا

کہنے کو تو ہے

کہیں چھپا

تو کہیں بے حجاب 

بے اختیار 

سوچ کے زاویئوں سے دور

اور دل کے پاس پاس

کہنے کو تو ہے

تیرے خیال سے جُڑی

دل کی خلش

کہیں چھپی

کہیں خاموش سی اک سرگوشی

مدھم مدھم سی

شور و نظر سے دور

کہنے کو تو ہے

شام کی بارش

اور بوندوں کی رم جِھم

ایک مسکراتی یاد

اور مِٹا مِٹا سا وہ تبسم 

جھلکتی آنکھوں سے بھٹکا

وہ ایک آنسو

کہنے کو تو ہے

موسم کی پہلی بارش

اور بادلوں سے جھانکتا یہ چاند

رات کے پچھلے پہر

یاد میری دلاۓ یا نہ دلاۓ

مشکل میں جان تیری

اور میری

کہنے کو تو ہے

مجھ سے میری جفاؤں کا حساب مانگو گے؟

میں تو الگ تھلگ

زمانے سے دور

تمہاری ہی یاد میں رہتا ہوں

کوئ نہیں ہے اب تیرے میرے درمیان

بس ایک وقت کی جدائ ہے، سو،

کہنے کو تو ہے

مِرا وہ ٹوٹتا گھمنڈ

اور چھوٹی سی ایک صد، تمھاری 

نہ میری وہ سوچ رہی

نہ اناء کی وہ مجبوریاں تمہاری

پر کچھ تیرے پاس 

کچھ میرے پاس

ایک شکوہ،ایک گلہ

کہنے کو تو ہے

میری آنکھوں میں بسی خاموشی

اور تمھارے دل کا یہ ویرانہ پن

گو ان کا شاید تعلق کچھ نہ ہو، پر

کچھ تو دکھانے کو

زمانے کو بتانے کو

کہنے کو تو ہے

نظر میں تیری ملال

اور میرا یہ دیوانہ پن

سب نے یہ سمجھ رکھا ہے

میرا تو کوئ حال ہی نہیں 

بس تری خاموشی باعثِ سبب ہے

ادھوری اس ویرانی کا

کچھ ہو، یا نہ ہو

کہنے کو تو ہے